Cwestiynau

• Arian Ewropeaidd a ddyfernir i’r ardaloedd hynny yn yr Undeb Ewropeaidd y mae eu Cynnyrch Domestig Gros yn is na 75% o’r cyfartaledd Ewropeaidd. Gyda’i gilydd, bydd y 15 ardal awdurdod lleol yng Ngorllewin Cymru ac yn y Cymoedd yn cael arian Amcan 1 a fydd yn werth dros £1.2 biliwn rhwng 2000 a 2006.

• Prif ddiben Amcan 1 yw gwella ffyniant economaidd yr ardal yn y tymor hir. I gyflawni hyn, mae arian ar gael ar gyfer 6 maes gweithgarwch y rhoddir “Blaenoriaeth” iddynt:
  
  1. Ehangu a Datblygu Mentrau Bach a Chanolig
  2. Datblygu Arloesedd a’r Economi sy’n Seiliedig ar Wybodaeth
  3. Adfer Economaidd Cymunedol
  4. Gwella Sgiliau a Chyfleoedd Dysgu er mwyn Hyrwyddo Cyflogadwyedd
  5. Datblygiad Gwledig a Defnyddio Adnoddau Naturiol mewn ffordd Gynaliadwy
  6. Datblygiad Isadeiledd Strategol
  
  Pwy sy’n gallu gwneud cais?

Gall unrhyw gorff sefydledig o'r sector cyhoeddus, y sector preifat y sector gwirfoddol a’r sector cymunedol fod yn gymwys i wneud cais am arian Ewropeaidd.

Gall y sector preifat wneud cais am arian Amcan 1 yn uniongyrchol os gellir dangos y bydd y prosiect yn arwain at fudd economaidd ehangach i’r ardal. Fodd bynnag, mae’n fwy tebygol y bydd busnesau unigol yn manteisio ar arian trwy gyfrwng cynlluniau grant a weithredir gan gyrff cyfryngol.

Yn yr un modd, efallai y bydd cymdeithasau gwirfoddol yn ei chael hi’n haws manteisio ar arian Amcan 1 trwy gyfrwng cynlluniau grant a weithredir gan asiantaethau sy’n gweithio yn y sector.

Sut mae gwneud cais?

Gall prosiectau barhau i fanteisio ar yr arian a gymeradwywyd ar eu cyfer hyd at Fehefin 30ain 2008.

Mae rhai prosiectau, megis y rhai sy'n ymwneud â’r ddarpariaeth hyfforddi, yn cynnwys amserlen benodol. Nod rhai eraill, megis y rhai sy’n ymwneud â ffurfio busnes newydd, yw datblygu i fod yn hunangynhaliol, a byddant yn parhau i fod o fudd i economi’r Sir ar ôl i’r Rhaglen Amcan 1 ddod o i ben.

Wrth i 10 aelod-wlad newydd ymuno â’r Undeb Ewropeaidd ym mis Mai 2004, bydd y trefniadau cymorth ariannol yn newid. Dan gynigion presennol yr Undeb Ewropeaidd, mae’n debygol y bydd Gorllewin Cymru a’r Cymoedd yn parhau i gael oddeutu 74% o’r arian llawn ar gyfer y 6 blynedd ar ôl i’r rhaglen ddod i ben. Byddai hyn ar ffurf cyfansymiau a fyddai’n gostwng yn raddol, gan ddechrau gyda chyfanswm o 85% yn 2007 ac yn gostwng i 60% yn 2013.