Rhaglenni Cydweithredu
Tiriogaethol Ewrop
Cronfeydd UE 2007-13 || Cyllid Cydgyfeirio || Cynllun Datblygu Gwledig ||
Rhaglenni Cydweithredu Tiriogaethol Ewrop || Cronfa Pysgodfeydd Ewrop
RHAGLENNI TRAWSGENEDLAETHOL GOGLEDD-ORLLEWIN EWROP AC ARDAL YR IWERYDD
Mae Canllawiau Strategol Cymunedol y Comisiwn yn nodi y dylai Rhaglenni Trawsgenedlaethol ganolbwyntio ar faterion o bwysigrwydd strategol.
Gogledd-Orllewin Ewrop
Mae i’r rhaglen bedair prif Flaenoriaeth weithredol, sef Datblygu’r Economi NEWYDD sy’n Seiliedig ar Wybodaeth drwy Elwa ar Allu ar gyfer Arloesi, Rheoli Adnoddau Naturiol a Pheryglon Technolegol mewn Ffordd Gynaliadwy, Gwella Cysylltedd yng Ngogledd-Orllewin Ewrop drwy Hyrwyddo Datrysiadau Cludiant a TGCh Synhwyrol a Chynaliadwy a Hyrwyddo Cymunedau Cryf a ffyniannus ar lefel Drawsgenedlaethol. Mae cyfanswm y gyllideb ERDF yn debygol o fod oddeutu €350 miliwn. Cyfanswm y cymorth a roddir yw 50% o’r costau cymwys. Yn fuan, caiff y Rhaglen ei chyflwyno i’r Comisiwn. Lleolir yr Awdurdod Rheoli yn Ffrainc. Bydd yr Adran Gymunedau a Llywodraeth Leol yn Llundain yn cydlynu ar ran y Deyrnas Unedig.
Ardal yr Iwerydd
Mae i’r Rhaglen ddrafft ffocws morwrol, ond nid ydyw’n canolbwyntio’n gyfan gwbl ar hyn. Y pedair Blaenoriaeth yw Hyrwyddo Rhwydweithiau Arloesi Trawsgenedlaethol, Sicrhau a Gwella Cynaladwyedd Amgylchedd y Môr a’r Arfordir, Gwella Mynediad a Chysylltiadau mewnol a Defnyddio Synergeddau Trawsgenedlaethol gyda Datblygu Rhanbarthol Trefol a Pholycentrig. Mae cyfanswm y gyllideb ERDF yn debygol o fod oddeutu €100 miliwn. Cyfanswm y cymorth a roddir yw 65% o’r costau cymwys. Lleolir yr Awdurdod Rheoli yn Porto. Mae WEFO yn debygol o arwain y rôl gydlynu yn y Deyrnas unedig. Fodd bynnag, erys y cyfrifoldeb cyffredinol yn nwylo’r Adran Gymunedau a Llywodraeth Leol yn Llundain.
Rhaglen Cydweithredu Trawsffiniol Iwerddon – Cymru 2007-2013
Mae Rhaglen Cydweithredu Trawsffiniol Iwerddon - Cymru yn gynllun datblygu saith mlynedd yn cychwyn yn 2007, a’i nod fydd datblygu’r economi gwybodaeth yn y rhanbarth drwy gynyddu arloesi a gwella sgiliau. Bydd hefyd yn cefnogi prosiectau rhwng Cymru ac Iwerddon a fydd yn mynd i’r afael â newid hinsawdd, datblygu cynaliadwy ac adfywio cymunedol. Bydd y rhaglen newydd yn adeiladu ar lwyddiant y fenter INTERREG IIIA gyfredol sydd wedi buddsoddi £33 miliwn yn ystod 2000-2006 ar ffurf grant ERDF mewn rhagor na 100 o brosiectau cydweithredol amrywiol. Yr awdurdod rheoli ar gyfer y rhaglen newydd fydd Iwerddon.
Yr ardaloedd sy’n gymwys i gael eu cynnwys yn Rhaglen Cydweithredu Trawsffiniol Iwerddon-Cymru yw Dulyn, Canol Dwyrain Iwerddon a De-Ddwyrain Iwerddon, Ynys Môn, Conwy, Sir Ddinbych, Sir Gaerfyrddin, Ceredigion a Sir Benfro yng Nghymru.
Mae’r rhaglen ddrafft, a lansiwyd ar 14eg Rhagfyr 2006 yr ymgynghorir arni, ar gael i’w lawrlwytho ar www.wefo.wales.gov.uk. Mae’r drafft yn amlinellu cynlluniau ar gyfer rhaglen fuddsoddi £47 miliwn (€70 miliwn) yn rhanbarth trawsffiniol Cymru/Iwerddon.
Hafan || Cwestiynau || Newyddion || Y Gwir Storiau || Swyddi a Grewyd || Arian a Wariwyd || Prosiectau Cymeradwy || Bwrdd Partneriaeth || Dogfennau Perthnasol || Cronfeydd UE 2007-13 || Clipiau Ffilm Prosiectau || Galeri Lluniau Prosiectau || Cysyslltiadau defnyddiol || Manylion Cyswllt ||Tywydd yn Aberteifi || Tywydd Yn Llambed || Tywydd yn Aberystwyth ||Webmaster || Map o brosiectau ||Intro || English ||
HTML || Adeiladwyd y safle gan ddefnyddio CSS Positioning || Cydymffurfio gyda Mynediad lefel 3 || Tudalennau a Ddilyswyd