HELPU I LUNIO DYFODOL EICH CYMUNED!
Logiwch ymlaen neu gysylltwch â ni er mwyn darganfod sut mae eich sefydliad neu grwp gwirfoddol yn medru datblygu eich cymuned.

Cynllun grant dewisol yw “Cymunedau’r Dyfodol” a gynlluniwyd er mwyn galluogi ac annog sefydliadau gwirfoddol yng Ngheredigion i gymryd rhan mewn gweithgareddau adfywio cynaliadwy gyda ffocws cyfalaf ac sydd yn seiliedig yn y gymuned gyda phwyslais cymdeithasol-economaidd. Gweinyddir y cynllun gan Gyngor Sir Ceredigion ar ran Bwrdd Rheoli Partneriaeth Ceredigion yn ei swyddogaeth fel Corff Arweiniol.

Erbyn Medi 2005 bydd y cynllun wedi cefnogi nifer o gynlluniau sydd ag elfen cyfalaf sylweddol, sydd o natur economaidd neu gymdeithasol economaidd a gwneud un neu fwy o’r canlynol:
· Cynorthwyo i ddarparu cyfleusterau o fewn y gymuned sydd yn caniatáu amrediad o gamau cymunedol gan gynnwys cyfleusterau ar gyfer y celfyddydau, gweithgareddau diwylliannol a hamdden, gofal plant a dibynyddion a darparu cysylltiadau â’r farchnad lafur megis hyfforddiant hawdd ei gael, adnodau gwaith a chanolfannau cynghori.
· Cynyddu’r mynediad i gludiant ar gyfer grwpiau ymylol drwy hybu cynlluniau cludiant sydd yn seiliedig ar y gymuned i gymdogaethau pellennig.
· Cynorthwyo i ddarparu a hybu cyfranogiad cymunedau mewn cynlluniau sydd yn delio â’r rhwystrau i waith, sydd yn deillio o anghydraddoldeb iechyd, darparu iechyd cymunedol, a chamau ataliol sydd yn delio â rhwystrau i gymryd rhan unwaith eto yn sgil troseddau ac ofn troseddau.
· Gwella mynediad i Dechnoleg Gwybodaeth a Chyfathrebu ynghyd â dulliau newydd o gyflwyno pobl i dechnolegau newydd.
· Gwella gwasanaethau cymunedol a phrif ffrwd, sydd yn cyfrannu tuag at gymryd mwy o ran ym mywyd y gymuned gan y rhannau hynny o’r boblogaeth sydd yn cael eu dieithrio.
· Cefnogi gwelliannau corfforol ac amgylcheddol yn y gymuned sydd â ffocws economaidd neu gymdeithasol economaidd.
· Cefnogi prosiectau sydd yn hyrwyddo cynlluniau ynni cymunedol neu wastraff ac nad ydynt yn unol â chanllawiau grant amgylcheddol eraill.
· Annog y defnydd o CTG ar gyfer datblygu a chefnogi cynlluniau sydd yn cael eu harwain gan y gymuned, yn enwedig lle bydd y cynllun yn arwain at leihau effeithiau negyddol unigedd a bod ar yr ymylon.

Uchafswm y grant fydd yn daladwy yw £20,000 cyfalaf a /neu £20,000 refeniw.

Tel: 01545 572254